صراحة ترددت كثير أكتب عن هالمشكلة ,لكن حسيت ان هالمشكلة زاادت كثير في مجتمعنا شوف زوجتك ايش سوت وايش قالت عني , والثانية شوف أختك ماسلمت عليا قدام الناس أحرجتني , الين متى ياعالم خلاص ماتعبتوا مشاكل . مسكين زوجك جاي من دوامه وشغله تعبان عشان يوفرلك انتي وأولادك سبل الراحة تقابليه بشكاوي طول الوقت . وانتي ياأخته المحترمة تحبي أخوكي وتتمني له الخير والراحة خليه عايش مرتاح لاتنكدي عليه .
أنا بستغرب فينا ياجنس النساء ليه ماتكون الأخت والزوجة أخوات وصاحبات والله بعرف كثير كذا , يعني من حبها واحترامها لصاحبتها تخطبها لأخوها , ولا الغيرة بين الثنتين بالله أيعقل تغاري من أخته أو أمه من عقلك فكرتي فيها , اممم موضوع أنه الأم تغار على ولدها من زوجته في حالات كثيرة طيب ليه؟ ممكن هنا الموضوع شي نفسي يعني الأم تاخذها من باب اني خلفت وتعبت وربيت وكبرت وتجي وحدة بكل بساطة تاخذ ولدي مني . طيب الأم وعرفنا سبب غيرتها انتي ياأخته العزيزة بتغاري ليش أخوكي يبغى ينبسط مع زوجته وحاب يسافر معاها ويبغى يتدلع ويدلعها ليش شغل الغيرة, وانتي كمان ربي حيرزقك بابن الحلال اللي حيدلعك ويسفرك ويوديكي السوق كمان .
كلمة أخيرة حابة أقولها كل وحدة تحط نفسها مكان الثانية وتجرب الكلمة اللي حتغلط بيها وتشوف تأثيرها عليها (شفتي كيف توجع ),عاملوا الناس كما تحبوا أن تعاملوا وفي الأخير ايش ذنب الزوج والأخ والابن نكدتي عليه يعني بتنكدي على نفسك.
ليست هناك تعليقات:
إرسال تعليق