صباح الخير
اليوم طقطقتنا عن عمليات التجميل اللي يخضعون لها النجمات العالميات وأكيد العربيات لكن طقطتنا اليوم وهرجنا حيكون خاص بالشهيرات الغربيات وحنتكلم في موضوع ثاني عن العرب ومصايبهم في التجميل .
عمليات التجميل هي أحدالأشياء التي تلجأ لها لجذب إنتباه المنتجين وأيضاً تحسين الشكل بنظرهم لدرجة إن الموضوع صار هوّس عند الكثيرات سواء مشهورة أو لأ .
نجي للبداية ليش ح نهرج عن هذا الموضوع لأني قرأت من يومين خبرين الأول عن كاتي هولمز طليقة توم كروز السابقة ويقول إنها أطلت بدون مكياج وتفاجأت الصحافة والمتابعين بشكلها الكارثي ، هو كارثي بس صراحة أنا انصدمت من شكلها باينه عجوز وماعندها أسنان يالطيف :( .
شوفو شكلها
طبعاً بميك اب وبدون ، الحقيقة موعيب انها تطلع بدون مكياج بلعكس هي طلعت بطبيعتها بس الصدمة هي البلاوي اللي بوجهها هالات وواضحه اثار التعب غير شعرها المومصبوغ وهذا مانتبه له الإعلام خاصة انها حاليا تواعد الممثل لي كاربي اللي تحاول تخبي علاقتهم ببعض عن الصحافة بس كشفتهم :D
وفي خبر تاني يقول مادونا تبلغ في نفخ وجهها وفعلاً بالغت هذي المرة اللي طلعت فيها في حفل The Sound Of Change في لندن من كم يوم ، المهم أنا برأي الحقن من العمليات التجميلية المقبولة لو استخدمت بدون مبالغة .
صورتها قبل النفخ وبعده ...
أُخذ على مادونا إنها من النجمات اللي طالما فضلو العفوية في جميع طلاتها إلا أنها هذي المرة صدمت محبينها بلجوئها لعمليات التجميل زي زميلاتها وبطريقة مبالغة فيها ..
وحتى أزود الموضوع وأشبع فضولكم عن النجمات العالميات اللي لجأوا لعمليات التجميل جمعت هذي الصور لنجمات قبل وبعد عمليات التجميل وشوف و بنفسكم التغييرات .
ساندرا بولوك سوت عملية تجميل لأنفها ونفخت خدودها بوتوكس
شير صار عندها هوس عمليات لدرجة إنه وجهها صار بلاستيكي وسوت عمليات لصدرها كمان
هيلاري داف لعب فيها البوتوكس هههه والتأثير باين على ضحكتها اللي كانت ضحية هذا التجميل
ميغن فوكس هذي بصراحة صدمتني ليه لأني كنت أحسبها حلوة بطبيعتها ممكن سوت شوية رتوش تجميل بس لأ هي ماخلت شي إلا سوته بشكلها عمليات في الأنف والجفن وكمان بوتوكس
من النجمات اللي غلطو لم لجأوا للتجميل ميغ رايان وواضح التجميل لعب في شكلها .
مصممة الأزياء دوناتيلا فيرزاتشي صراحة فرق بس الطبيعة شكل ومع التجميل صار شكلها يععع :(
كاميرون دياز عمليتها ناجحة لأنها بس ع الأنف والتغير واضح بالصور بس
بلايك ليفلي من النجمات اللي خضعت للتجميل كمان .
ليندسي لوهان التجميل كبّر سنها
هذا مالدي اليوم إن شاء الله ينال إعجابكم ، وإذا تحبو تشاركونا في الهرج خبروني في تويتر هرج بنات وطلباتكم أوامر ..
دمت بحب xoxo
ليست هناك تعليقات:
إرسال تعليق