صباح الخيرات
اليوم حنهرج في الموضة وأهم التريندز المنتشر والدارج في الموضة عشان كثير بيستعد لرمضان والعيد من الحين للي تبغى تجهّز وأي شي وأي طلب في الموضة والأزياء فحاضرة أنا لمساعدتكم في تويتري هرج بنات ..
اليوم حنتكلم عن موضتين منتشرة حاليا ً وممكن شفتوها وسمعتوا عنها ..
الكشاكش !
نعم هي واحدة من أكثر صيحات الموضة منتشرة في الصيف وشفناها في عروض ازياء كثيرة منها غوتشي ورالف لورن وممكن تستفيدي من هذه الموضة إذا حابة تفصلي أو تشتري ولازم بنفس الوقت تراعي شكل جسمك وعليه تقرري يكون التصميم المناسب فمثلاً إذا كان شكل جسمك كمثري أي جزء جسم السفلي مليان أكثر من العلوي لازم تبتعدي عن الكشاكش الموجودة في الجزء الأسفل من الموديل واختاري من الأعلى وهذي مجموعة من الصور لأشكال الكشاكش بكذا شكل وموديل .
جلد الأفعى !
شفنا جلد الأفعى بارز في أقمشة الفساتين والأزياء وكمان الإكسسوارت أكثر في مجموعات وأزياء الصيف من نقش الجلود الثانية زي الزيبرا الي بتبرز وتنشر في الشتاء ، وأكثر مايميز هذه الموضة إنها جاية بألوان على الموضة زي الأخضر والنيون الدارجة في الصيف ممكن تختاريه كفستان زي غوتشي وممكن تكتفي بإكسسوار شنطة أو شوز هذي الموضة حلوة وبتحبها الجريئات , هذي الصور بتلهمكم أكثر.
بكتفي اليوم بهذي الموضتين ورح نستكمل البقية في مواضيع ثانية ..
كونوا بالقرب xo
ليست هناك تعليقات:
إرسال تعليق