مرحباً جميعاً
هذي التدوينة فكرت فيها من أمس وع أساس أبدء في كتابتها إلا أن موضوع ريانا شغلني < حزنت على حالها
بماأننا في بداية الصيف ولسّة مابدأنا في المناسبات والزواجات اللي بتكثر في الصيف ، عشان كذ حبيت أتكلم عن تجهيزات العروسة .
موضوعنا هو كيف تستعد العروس وخاصة العروس العصرية من ناحية الجمال يعني كيف تحضر بشرتها وتتخلص من المشاكل اللي تعاني منها وتعالجها وتعرف ايش تحتاج قبل العرس .
المهم هذا الموضوع حيفيد حتى البنات اللي لسه ماتزوجوا عشان تبدأ بتجهيز نفسها ووتكثف عنايتها بنفسها قبل الزواج لأن أحياناً العلاجات تستلزم وقت كبير عشان تبان نتايجها ..
لو ملاحظين أنا قلت عروس عصرية ليش عشان الأمور الجمالية تطورت والبنات صارو أكثر تفتح وعِلم بمايناسبهم يعني الأمور اللي كانت منتشرة وماخذة حيز كبير وفشلت أكبر فشل الخلطات قبل كنت أشوف بنات أول ماتنخطب ويتحدد موعد الزواج وهي تدور خلطات !!
طبعاً الخلطات نتائجها بطيئة جداً غير كدا ماتحل مشاكل ولا تعالج أبداً ، الخلطات تساعد في إنك تستفيدي من مكونات طبيعية زي الفيتامينات ويفضل أن تدخل روتينك الأسبوعي في العناية يوم يومين مش أكثر !
عشان كذا اللي عندها مشاكل في عدم توحد لون بشرتها تروح لأقرب عيادة تجميل وتعمل توحيد لون لتخفيف وحل مشكلتها ممكن الحل هذا يكون غالي نوعاً ما عشان كذا دوري لدكتور جلدية في مكان يريحك ويصرف لك أدوية تعالج السواد .
ونفس الشي ينطبق للشعر إذا عندك أي مشكلة يفضل تروحي الدكتور ولا أحد يجي يتفلسف عليكي روحي لدكتور لأن مو كل خبيرات التجميل في الصوالين تفهم في مشاكل في الشعر تحتاج تحاليل وحلها بإذن الله عند الدكتور نفسه .
هذي الأمور أغلب شي حلها وعلاجها تحتاج شهرين عشان تظهر نتايجها ، ونفس الشي ينطبق للأسنان عندك مشكله بسيطة حتنل في مدة قصيرة إلا التقويم فإذا كنتي لسة مانخطبتي فإستعدي من هذه الناحية كمان مو شرط لزواجك هذه الأمور لنفسك قبل أحد ثاني .
وإذا كنتي ماتعاني من مشاكل من هذه النواحي فكثفي عنايتك وإهتمامك خلال هذه الفترة عن طريق إستعمال أقنعة ومقشرات وأمصال " سيرومات " لنضارة البشرة وهي موجودة بكثرة في ماركات التجميل المشهورة ولاتنسي عيونك من الإهتمام فإذا كانت المشكلة في الهالات ابتعدي عن السهر واشربي كميات من الموية كثيرة وإعتمدي نظام غذائي صحي وإنتبهي من الرجيم السريع لأن حيأثر في بشرتك وجسمك بعدين وغير كذا حتتسببي في مشكلة إنتي في غنى عنها .
ولم يقرب موعد زواجك إحرصي على الإبتعاد عن الأشياء اللي تسبب حساسية زي نزع الشعر إعرفي من بدري ايش يناسب بشرتك واعتمديه ، وقبل زواجك من أسبوع خذي بروفة لتسريحة شعرك مع مكياجك ولاتنسي تنظيف بشرتك بعمق عن إختصاصية تجميل وحطي النقط فوق الحروف مع الخبيرة اللي حتعمل لك مكياجك وشعرك ولاتنسي تدليل نفسك بأخذ مساج مريح وكمان أطرافك إعتني فيها ورطبيها كويس يومياً وممكن تعملي لها جلسة بارفين مع المونكير والبدكير لإكتساب النعومة .
أظن تكلمنا عن أهم النقاط في تجهيزات العروس من ناحية جمالية فإذا تفضلون نتكلم أوسع عطوني خبر .
هذا اللي عندي أي موضوع حابين نتكلم فيه أو تساؤل تبغوا حلول عطوني خبر في تويتر هرج بنات ..
ولاتنسوا تدعمونا ..
دمتم حلوين xoxo
ليست هناك تعليقات:
إرسال تعليق